شعر سرود محلی نوروز هورامان:کاکه محمدشریف علیرمایی
(شێعره‌و سروودوو وێمانێ نه‌ورۆزو هه‌ورامانی
کاکه محه‌مه‌دشه‌ریف عه‌لی ره‌مایی)
این شعربه صورت آوازی درنوروز1390توسط آقای سیروان خالدی هنرمندهورامان اجراگردید.
سرووده‌و نه‌ورۆزی
ساڵه‌ی تازێنه نه‌ورۆز ئاماوه
ئاییرما نیا یانه‌و خه‌ماوه
به شادی گێرمێ جه‌ژنه‌و نه‌ورۆزی
نه‌ورۆز میراسه‌ن په‌ی قه‌وم و هۆزی
دڵ بێقه‌راره‌ن هه‌ریۆ نیازێ
کۆکۆ جه‌م باوه ئاواته‌وازێ
ئاییر که‌راوه جه بان و یانان
ده‌سه به ده‌سه سروود مه‌وانان
ساڵه‌ی تازێنه نه‌ورۆز ئاماوه
ئاییرما نیا یانه‌و خه‌ماوه
به شادی گێرمێ جه‌ژنه‌و نه‌ورۆزی
نه‌ورۆز میراسه‌ن په‌ی قه‌وم و هۆزی
جه دێرزه‌مانان وه‌روو پیرۆزی
هه‌ورامان بیبه ماواو نه‌ورۆزی
په‌ی ساڵه‌ی تازێ به سیاوچه‌مانه
شاخی هه‌ورامان کریا به یانه
ساڵه‌ی تازێنه نه‌ورۆز ئاماوه
ئاییرما نیا یانه‌و خه‌ماوه
به شادی گێرمێ جه‌ژنه‌و نه‌ورۆزی
نه‌ورۆز میراسه‌ن په‌ی قه‌وم و هۆزی
به‌رزی به به‌رزی ئاییر کریاوه
جه ده‌سی ناحه‌ز وه‌ڵات سنیاوه
په‌وکه‌ی هه‌ورامان پڕ ره‌مز و ڕازه‌ن
هه‌ر ساڵیه که مه‌ی نه‌ورۆزش تازه‌ن
ساڵه‌ی تازێنه نه‌ورۆز ئاماوه
ئاییرما نیا یانه‌و خه‌ماوه
به شادی گێرمێ جه‌ژنه‌و نه‌ورۆزی
نه‌ورۆز میراسه‌ن په‌ی قه‌وم و هۆزی
محه‌مه‌دشه‌ریف عه‌لی‌ره‌مایی
نظرات شما عزیزان:
+ نوشته شده در پنج شنبه 19 اسفند 1393برچسب:
,
ساعت 14:25 توسط فردین احمدی
|
